श्रीविष्णू पुराण
सारांश: अठरा पुराणांत भारतीय संस्कृती आणि धर्मतत्त्वांचे सामान्य जनांसाठी विद्वान महर्षीनी संकलन केले आहे. नीती सदाचार आणि सत्चरित्र यांचे शिक्षण देणारे आसेतू हिमाचल शिक्षक म्हणजे ही पुराणे होत.
पुराणां सर्वशास्त्राणां प्रथमं ब्रह्मणा स्मृतम्।
उत्तमं सर्वलोकानां सर्वं ज्ञानोपपादकम्॥
म्हणजे ब्रह्मदेवाने समस्त शास्त्रांची प्रथम पुराणे अवलोकिली; कारण जगात सर्वश्रेष्ठ ज्ञान देणारी पुराणे हीच होत. ही पुराणे मुळात ब्रह्मदेवाने निर्माण केली असे म्हणतात आणि व्यासांनी त्यांना ग्रंथरूप दिले. विष्णुपुराणात विष्णु अवतारातील काही कथांचा भाग आलेला आहे. श्रीकृष्णकथा ह्या पुराणातील जसा प्रमुख भाग आहे, तशाच विष्णुकथेच्या संदर्भात अन्य काही भक्तांच्या कथाही यात अंतर्भूत आहेत.
संपादक: दत्ता कुलकर्णी
संदर्भ क्रमांक: ११६९
